Një grua e cila bëri 43 vjet burg për një vrasje që nuk e kishte kryer kurrë është liruar nga burgu në SHBA. Sandra Hemme ishte 20 vjeçe kur u shpall fajtore për vrasjen me thikë të punonjëses së librarisë Patricia Jeschke, nga St Joseph, Missouri, në Nëntor të 1980-s. Hemme u dënua me burgim të përjetshëm.
Një rivlerësim i dosjes në ngarkim të saj, doli në përfundimin se nuk kishte pasur prova që e lidhnin atë me krimin, përveç rrëfimit që kishte dhënë në efektin e qetësuesve të shumtë në një spital psikiatrik. Sot 64 vjeçe, ajo besohet të jetë gruaja që ka vuajtur dënimin më të gjatë të padrejtë në historinë e SHBA.
Sandra Hemme (majtas) del nga burgu pas 43 vitesh
Ekipi i saj ligjor nga Innocence Project u shpreh mirënjohës që Hemme u ribashkua më në fund me familjen dhe tha se do të vijojë të luftojë për të pastruar emrin e saj. Teksa nuk është më në burg, çështja ndaj saj është ende në rishikim.
Vendimi i parë prej 118 faqesh për rrëzimin e dënimit me burgim të përjetshëm u dha më 14 qershor. Gjyqtari Ryan Horsman tha se avokatët e 64-vjeçares kishin prova të qarta për pafajësinë e saj, përfshirë prova që nuk ishin vënë në dispozicion në mbrojtjes së saj në kohën kur u dënua.
"Kjo gjykatë konstaton se tërësia e provave mbështet një konstatim të pafajësisë aktuale," përfundoi gjyqtari Horsman.
Nga rishikimi i dosjes rezultoi se policia lokale kishte injoruar provat që të çonin drejtpërdrejt tek një prej oficerëve, Michael Holman, i cili përfundoi më vonë në burg për një tjetër krim dhe vdiq në 2015-n. Furgoni i Holman ishte parë në zonë ditën e vrasjes, alibia e tij nuk mund të konfirmohej dhe ai kishte përdorur kartën e kreditit të Patricia Jeschke pasi pretendoi se e kishte gjetur në plehra.
Po ashtu, në shtëpinë e Holman u gjetën një palë vëthë floriri, të cilat u identifikuan nga babai i Jeschke, si të sajat. Asnjë prej këtyre provave nuk iu bënë të ditura në atë kohë palës mbrojtëse të Hemme. Ajo u mor në pyetje disa herë nga policia, ndërkohë që ishte nën efektin e ilaçeve antipsikotike dhe të një qetësuesi të fortë, pasi u shtrua pa dëshirën e saj në spital psikiatrik. Hemme kishte marrë herë pas here trajtim psikiatrik që kur ishte 12 vjeç.
Ajo nuk ishte plotësisht e vetëdijshme për atë që po ndodhte, thuhej në dokumentet e gjykatës, mezi e mbante kokën drejtë dhe kishte dhimbje, një efekt anësor i ilaçeve. Në rishikimin e dosjes nga gjyqtari Horsman vihej në dukje se nuk kishte asnjë provë mjeko-ligjore që ta lidhte gruan me vrasjen. Ajo nuk kishte asnjë motiv dhe nuk kishte dëshmitarë që e lidhnin atë me krimin.
SI.E./ReportTv.alKomente
70% e popullise ne USA mendojn se sistemi gjyqsor esht i korruptuar.
PërgjigjuO ti qē komenton me pseudonimin keq nē tē gjith Botēn bēhen gabime. Por tani drejtēsia Amerikane do paguaj miljona Dollar pēr ktē fatkeqe. Kurse ktu te vēndi jon tē vrasin e stē pagu njeri se ska drejtēsi po ka padrejtēsi.
PërgjigjuShume gjynah .shume turp.Amerika vendi i drejtave te njeriut.U deshen 44 vite qe te mori pafajsine.Gjithe rinia i iku ne burg..
ne usa NUK paguhen lek nga shteti , kur del i pafajsem.
Bukur edhe ne amerik drejtesia qenka per te qare me lot, ku te mbyten shqiptaret pastaj
Përgjigju