LEZHË- Dy persona mbeten të plagosur mes të cilëve një fëmijë 12-vjeç, pasi automjeti me të cilin udhëtonin doli nga rruga dhe u përplas me murin rrethues të një banese. Aksidenti ndodhi pasditen e së enjtes në rruge Lezhë-Kallmeti, në afërsi të fshatit Grykë Zezë.
Të plagosur mbeten drejtuesi i automjeti tip "Benz" dhe një fëmije i mitur që udhëtonte me të. Ata u dërguan për ndihmë mjekësore në spitalin rajonal të Lezhës, ndërsa fëmija mësohet se ndodhet në gjendje të rëndë për jetën dhe pasi u intubua u transportua me urgjence drejt spitalit të Traumës në Tiranë.
Nga aksidenti u bllokua për disa minuta rruga Lezhë-Kallmet, ndërsa policia nisi menjëherë hetimet për zbardhjen e shkaqeve të këtij aksidenti që paraprakisht dyshohet të ketë ndodhur nga shpejtësia në kthese i drejtuesit të automjetit.
