Janë zhvilluar në orën 17:00 dy ndeshje të javës së 29 të Superligës me Vllaninë e cila në Shkodër ka ndarë pikët me rezultatin 2-2 ndaj Bylisit. Skuadra ballshiote kaloi dy herë në avantazh, por në fund nuk ia doli të merrte pikët e plotët pasi vendasit barazuan në të dy rastet.
Në këtë takim vlen për t’u theksuar edhe një ndërprerje në pjesën e parë, e cila bëri që të gjithë të pranishmit të ishin në ankth. Shkak u bë një përplasje kokë me kokë mes futbollistit të Vllaznisë Marku dhe atij të Bylisit Hadroj.
Ky i fundit për pak çaste mbeti pa ndjenja në fushë, por falë ndërhyrjes së dy stafeve mjekësore u përmend. Më pas u dërgua drejt spitalit për vizita më të specializuara.
Ndeshja tjetër e orës 17:00 mes Kukësit dhe Flamurtarit u mbyll me shifrat 4-1.
