Arrest në burg ka caktuar Gjykata e Tiranës për tre nga katër autorët e dyshuar të vjedhjes me armë e dhunë ndodhur në lagjen “Kristal” dy ditë më parë në Tiranë.
Masa e mbajtjes në qeli deri në përfundim të hetimeve është caktuar për Sebastian Ogiçi, Ruzhdi Thomasi dhe Marjus Fejzulla të cilët sipas prokurorisë në bashkëpunim me njëri tjetrit i kanë marrë nën kërcënimin e armës çantën me 1450 euro shtetasit Klevis Zekës.
Me fjalët “Jam antidroga, shkojmë në zyrë” Sebastian Ogiçi i është vënë nga pas Zekës duke i marrë çantën e larguar me shokët e tij.
Ndërsa në polici Ogiçi ka një tjetër alibi sëbashku me shokët e tij, ku deklarojnë se nuk kishin punë me Zekën dhe çantën ia kanë kthyer pas, por me një shtetas që ata e njihnin si Siriani.
Për këtë ngjarje në të cilën rezulton se është përdorur edhe një armë pistoletë pa leje policia ka shpallur në kërkim Elvis Sejdon i cili ende nuk është arrestuar.
Në kuadër të operacionit “escpae” Policia e Tiranës nëpërmjet komisariatit numër dy e katër zbuluan autorët e dyshuar, mekanizmin e ngjarjes si dhe sekuestruan paratë, biçikletën e grabitur dhe provat materiale si armë zjarri pistoletë dhe cannabis sativa.
