Armando Broja pritet që të jetë i gatshëm për Evertonin gjatë muajit tetor. Sulmuesi i Kombëtares u huazua nga Chelsea te Everton dhe pritet të ketë minuta nën udhëheqjen e trajnerit Sean Dyche.
Ka qenë pikërisht ky i fundit që në një bisedë për mediet, ka thënë se janë të ndërgjegjshëm për situatën e Brojës.
“Për Armandon do të duhet pak kohë. Mendoj se të gjithë janë të ndërgjegjshëm për këtë situatë”, tha trajneri, duke lënë të kuptohej se dëmtimi i pësuar në ditët e fundit të gushtit te Chelsea do të shtynte edhe pak debutimin e sulmuesit shqiptar.
Nëse Broja lë pas dëmtimin dhe merr minuta në fillim të tetorit, atëherë ai do ishte i gatshëm edhe për Sylvinhon në dy transfertat që Kombëtarja luan në mesin e tetorit për Ligën e Kombeve.
Komento
