KOSOVË- Vazhdon të mbetet e stabilizuar situata epidemiologjike edhe në Kosovë. Në 24 orët e fundit nuk është regjistruar asnjë viktimë nga COVID-19. Nga 2.277 testime të kryera janë identifikuar vetëm 10 raste të reja infeksioni.
Sipas shifrave të Ministrisë së Shëndetësisë, në 24 orë janë shëruar 134 qytetarë, ndrësa që nga fillimi i pandemisë numri i të shëruarve ka shkuar në 104.188.
Numri total i infektimeve ka shkuar 107.758, ndërkohë që ai i viktimave është 2,265 në të gjithë vendin që nga fillimi i pandemisë, duke përfshirë edhe përditësimet e ditës së sotme.
Ndërkaq, raste aktive në të gjithë vendin janë 1.074.
Procesi i vaksinimit në Kosovë ka nisur në mars, ndërkohë që fushata po vazhdon.
Në 24 orët e fundit 667 qytetarë janë vaksinuar kundër COVID-19, ndërsa që nga fillimi i vaksinimit 80.803 qytetarë kanë marrë dozën e vaksinës.
SI.E./ReportTv.al