Atalanta ka nxjerrë përfundimisht nga lufta për titull Juventusin e Andrea Pirlo, që sot për llogari të javës së 31 të Seria A është mposhtur 1-0. Në Bergamo goli i vetëm i ndeshjes u realizua nga Malinovski 3 minuta para fundit të kohës së rregullt. Humbja ka bërë që Juventusi të zbresë në vendin e katërt, me 2 pikë më pak se Atalanta që e parakaloi në vendin e tretë. Aktualisht ‘Zonja e vjetër’ është në kuotën e 62 pikëve.
Ndërkohë Milan ka siguruar të paktën edhe për një javë vendin e dytë, pasi sot ka mposhtur 2-1 Genoa-n. Djalli zhbllokoi shpejt takimin me Rebic, por brenda pjesës së parë miqët barazuan me Destro-n. Ndeshja u vulos në pjesën e dytë nga një autogol i sulmuesit Scamaca. Me këtë fitore Milan është ngjitur në kuotën e 66 pikëve, 2 më shumë se Atalanta e venditë të tretë dhe 8 më pak se Interi kryesues, që sonte luan ndeshjen e kësaj jave kundër Napolit.
Sakaq 3 pikët ka marrë edhe Lazio e cila ka mposhtur 5-3 Benevento-n. Kjo e fitore e mban në valle skuadrën e Inzaghit për një vend në Champions League, pasi ka edhe një ndeshje më pak se rivalët.
Ndërkohë në Premier League Arsenal vijon të mos bindë, pasi ka abrazuar 1-1 kundër Fulham. Të parët realizuan miqtë me Maja-n, ndërsa ‘topçinjtë’ barazuan me Nketiah në minutën e 7 shtesë. Ky barazim ul ndjeshëm mundësitë që Arsenal sezonin e ardhshëm të kualifikohet në Kupat e Europës.
