“Vendi dhe momenti i duhur”, kështu e nisi fjalën e tij kryeministri Edi Rama, në çeljen e samitit të Procesit të Berlinit, për herë të parë në Tiranë. Evenimenti historik, nisi me një performancë spektakolare me koreografi të Angjelin Prelocajt, i cili zbuloi edhe bisedën me kreun e qeverisë.
Ndërsa më herët, Rama shpjegoi edhe performancën artistike të baletit, e cila ilustroi ekspozimin e pikturës “Rrëmbimi i Europës” (Abduction of Europa), të piktorit italian Giovanni Domenico Cerrini.
“Mirë se erdhët të gjithë! Mendova se ishte vendi i duhur, momenti i duhur për të ekspozuar “Rrëmbimi i Europës’’, kryeveprën e Giovanni Domenico Cerrini, - iu drejtua të pranishmëve Kryeministri Rama.
Por, surprizat për liderët e BE-së nuk kishin nisur ende! Kreu i qeverisë, i kishte dedikuar një korridor të mbushur me foto nga takimet e tij me liderët e BE-së, duke simbolizuar kështu “fluturimin” e Shqipërisë në union.
Pas shfaqjes së baletit, Rama ka ftuar liderët e BE-së të përshkojnë korridorin e Kryeministrisë, para nisjes së punimeve të samitit.
Krah Scholz, kryeministri i ndjekur nga Albin Kurti dhe pjesëmarrësit e tjerë të samitit, kaluan përmes korridorit me “copëza” nga takimet e Ramës me liderët evropianë.
Në nisje të samitit, të ulur së bashku tek Piramida tashmë e ‘evropianizuar’, Rama dha edhe një videomesazh 8-minutësh që përshkruante metamorfozën e Shqipërisë nga periudha e komunizmit e deri në ditët tona...
Kryeministri Edi Rama ka shpjeguar performancën artistike të baletit me të cilën ishte zgjedhur të çelej për herë të parë samiti i Procesit të Berlinit në Tiranë. Rama tregoi se koreografia është thurur mjeshtërisht nga koreografi Angjelin Perlocaj për të cilin Rama ndau edhe vlerësimin e tij maksimal. Një fjalë e mbajti edhe Perlocaj i cili u shpreh se e ka bërë koreografinë në kohë rekord ndërsa zbulon edhe bisedën me kryeministrin.
Pjesë nga biseda:
Rama: Një shqiptaro francez një yll i shndritshëm në botën e baletit bashkëkohor. Ai u largua nga Shqipëria kur ishte në barkun e nënës. Dhe aty mësoi të vallëzonte se prindërit e tij u arratisën mes maleve ndërsa Franca e adoptoi
Perlocaj: Faleminderit që patët durimin të ndiqnit diçka të vogël, I thashë, edi je i çmendur, mendon se bëj gjëra për 24 orë? Më pas solla 23 balerinët e mi m=këtu dhe dje nismë të punonim u përpoqëm të bashkonim artin e pikturës dhe baletit. Dua të falënderoj Edin që ma dha këtë mundësi.
Rama: I thashë do shkojë mirë, sepse Ballkani perëndimor pikturon BE-ja vallëzon. U mundova të rregulloj dhe motin se s’mund ta nisnim samitin me motin e Britanisë apo Holandez.
Komente
Vallet e kombeve me pelqyen,se u perfshine te gjithe;fotot e Rames ne takime te ndryshme-jo vetem te merzitshme,por dicka qe mund t'a bente nje autokrat si Erdogani,gjithashtu te gjithe pjesemarresit jane /deri ne fyt/ me foto te tilla.Mund te ishte gjetur dicka tjeter me interesante,pse jo dhe me humor.Sa per baletin,frymezuar nga /Rrembimi i Evropes/,por ndoshta nga veshjet e levizjet, te kujton me teper levizjen / Me too #/ dhe c'ndodh neper zyra! S.d.q,nga gjithe pjesemarresit duket qe vetem gjermani e greku e shijuan, se sa per te tjeret,mjafton te shikosh ekspresionet ne fytyra e sidomos personi ne foton 17-Hm,what is this??!!
PërgjigjuPo sigurisht. Nuk ka si ndodh ndryshe. Servilizmi, valle e kenge, dreke e darka, te pire e dolli, jane 'vyrtytet' kryesore te shoqerise sone. Vecanerisht ne 'shtet' kur qendra shkon ne baze pa le kur bota vjen me qender... de de! Qeni kallanxhiut loz....
Përgjigju