“Crossbones” është banda e vetme e muzikës rock/metal nga Shqipëria që përfaqësohet nga agjenci perëndimore të industrisë së muzikës. Gjithashtu, është e vetmja bandë që përfaqëson Shqipërinë në festivale dhe turne ndërkombëtare.
Ndërsa publiku do ta kujtojë me nostalgji albumin më të fundit të këtij grupi, “WWIII” (Lufta e Tretë Botërore) që është promovuar në festivalin “Bunk’Rock” të mbajtur në BUNK'ART në janar të 2017-s, këtë herë themeluesi i këtij grupi Olsi Ballta, bën të ditur për “Shqiptarja.com” daljen e një tjetër albumi. Albumi i ri titullohet “The Awakening” dhe do të bëhet preludi i një koncerti që do të mbahet më 1 qershor në Akademinë e Arteve. Albumi “The Awakening” do të interpretohet nga banda nga banda e mirënjohur shqiptare e muzikës rock/metal, e themeluar që prej vitit 1996.
“Ky është është tërësisht një produksion perëndimor i shtëpisë diskografike AlphaOmega Records (Como, Italy), e cila përveç kontratës diskografike, vepron edhe si agjent menaxhimi i bandës. Albumi është rreth 40 minuta dhe përmban 8 këngë.”, thotë Olsi Ballat për “Shqiptarja.com”.
“Crossbones” kanë dhënë koncerte dhe turne në Ukrainë, Estoni, Letoni, Bosnjë, Itali, Greqi, Maqedoninë e Veriut, Mal i Zi, Kosovë. Është banda e vetme e mes viteve ‘90 që nuk reshti kurrë aktivitetin e saj, duke krijuar muzikë origjinale dhe duke performuar në mënyrë konstante. Gjithashtu, për Crossbones është shkruar gjerësisht në shtypin e huaj, të shkruar si dhe atë elektronik. Në revista të mirënjohura të muzikës rock si RockHard (Gjermani), Ultraje (Portugali), Stencil Mag (UK), Bunker (Rusi) si dhe në më shumë se 100 portale, site dhe webzines të shpërndara në 4 kontinente, Europë, Amerika e Veriut, Amerika e Jugut dhe Australi.
Diskografia
The Awakening – së shpejti (Alpha Omega Records) Italy – worldwide release
WWIII – 2017 (Nadir Music Genoa) Italy – Worldwide release + platformat më të mëdha të muzikës online Apple, Deezer, Spotify, Amazon
Alive – 2015
Toxic Ëaste – 2015
Days of Rage – 1997
Përbërja e bandës
Olsi Ballta – vocals (themelues)
Theo Napoloni – drums
Ben Turku – guitars
Arlind Zerdja – bass
