Kampionati shqiptar i basketbollit për meshkuj vijoi me javën e pestë. Skuadrat pretendente bënë detyrën, teksa në krye të klasifikimit ka diferenca të ngushta, me Tiranën dhe Teutën që kryesojnë me pikë të njëjta.
Në "Farie Hoti" bardheblutë e trajnerit Erkand Karaj mundën me lehtësi 94-75 Apoloninë. Vendasit e dominuan takimin në tre periodat e para, duke lëshuar vetëm në fund. 21-17, 28-22, 28-15 dhe 17-21, me këto shifra u mbyllën periodat respektive.
Në Pallatin e Sportit "Ramazan Njala" në Durrës, Teuta fitoi 110-78 me Vllazninë. Miqtë nga Shkodra ia dolën të fitonin vetëm periodën e dytë, teksa u dominuan nga bregdetarët.
Në ndeshjen tjetër, Besëlidhja fitoi 85-78 me Kamzën në "Asllan Rusi". 27-15, 22-12, 16-35 dhe 20-16 u mbyllën periodat respektive. Pas javës së pestë, Tirana dhe Teuta kryesojnë me nëntë pikë, Apolonia dhe Besëlidhja me tetë pikë, teksa Kamza mban vendin e parafundit me gjashtë pikë. Në fund Vllaznia me vetëm pesë pikë.
Rezultatet:
Besëlidhja 85-78 Kamza
Teuta 110-78 Vllaznia
Tirana 94-75 Apolonia
Renditja:
S.DH/ReportTv.al