Pep Guardiola ka triumfuar sot për të katërtin vit radhazi me Manchester Cityn duke siguruar titullin kampion në Premier League. Pasi e bëri në Spanjë dhe në Gjermani, e bëri një gjë të tillë edhe në kampionatin anglez, i cili gjithmonë cilësohej si i paparashikueshëm.
Me titullin e Premier League të fituar sot, ai çoi në 38 numrin e trofeve të fituar në karrierën e tij në pankinë. Një ecuri mbresëlënëse, pasi ky numër është arritur në vetëm 879 ndeshje të drejtuara në futbollin profesionist nga spanjolli.
Me mesatare, i bie që ai feston me një trofe çdo 23 ndeshje në pankinë, një bilanc unik në historinë e futbollit botëror për shifra të tilla. Dhe ky bilanc mund të përmirësohet që në javën e ardhshme, pasi skuadra e tij luan në finalen e Kupës FA ndaj Manchester United dhe ka mundësinë të përmirësojë mesataren e Guardiolës.
Askush si City dhe Guardiola nuk kishin fituar Premier League katër herë radhazi.
