KUKËS- Pas disa orësh kërkim me helikopter dhe nga toka, është gjetur i pajetë turisti bullgar i cili humbi kontaktet në afërsi të majës së malit të Jezërcës.
Policia e Tropojës bën të ditur se është njoftuar dje (11 qershor) rreth orës 22:30 për bllokimin e 2 turistëve bullgarë gjatë eksplorimit të zonës, në vendin e quajtur "Maja e Jezercës".
Nisja e kërkimeve për turistët ka filluar që dje nw darkw, por pa rezultat. Në mëngjes ekipi i kërkim-shpëtimit malor i Emergjencave Civile është nisur me helikopterin e Ministrisë së Mbrojtjes, për të lokalizuar dhe ndihmuar turistët.
Pas disa orësh kërkime është gjetur pa shenja jete njëri nga turistët, 32 vjeç, i cili sipas policisë dyshohet se për shkak të terrenit të thepisur malor, ka rrëshqitur nga një lartësi dhe si pasojë e dëmtimeve ka humbur jetën.
Nga ekipi i kërkim-shpëtimit është bërë e mundur nxjerrja e trupit të pajetë, i cili do të transportohet me helikopter, drejt morgut.
Turisti tjetër është larguar drejt Malit të Zi, në gjendje të mirë shëndetësore.
'Më datë 11.06.2024, rreth orës 22:30, Salla Operative e Komisariatit të Policisë Tropojë ka marrë njoftim se 2 turistë bullgarë, gjatë eksplorimit të zonës, në vendin e quajtur "Maja e Jezercës", kishin mbetur të bllokuar për shkak të terrenit të vështirë.Menjëherë pas marrjes së njoftimit, shërbimet e Komisariatit të Policisë Tropojë, janë nisur me këmbë drejt adresës së dhënë, së bashku me ekipin mjekësor të spitalit të Tropojës dhe banorë të zonës.
Pararësisht kërkimeve për disa orë, nuk është bërë i mundur lokalizimi i turistëve.Në mëngjes, ekipi i kërkim-shpëtimit malor i Emergjencave Civile është nisur me helikopterin e Ministrisë së Mbrojtjes, për të lokalizuar dhe ndihmuar turistët. Pas disa orësh kërkime është gjetur pa shenja jete njëri nga turistët, 32 vjeç, i cili dyshohet se për shkak të terrenit të thepisur malor, ka rrëshqitur nga një lartësi dhe si pasojë e dëmtimeve ka humbur jetën.
Nga ekipi i kërkim-shpëtimit është bërë e mundur nxjerrja e trupit të pajetë, i cili do të transportohet me helikopter, drejt morgut. Turisti tjetër është larguar drejt Malit të Zi, në gjendje të mirë shëndetësore.'- njofton policia.
Mbrojtja Civile u bën apel turistëve që të ndjekin udhëzimet e dhëna nga guidat e specializuara në rast të eksplorimit të zonave me rrezikshmëri të lartë.
M.Q./ReportTv.al'Në zonat me rrezikshmëri të lartë, dhe ne shumë raste të pashkeluar, është e rëndësishme që turistët të jenë të kujdesshëm dhe të ndjekin udhëzimet e dhëna nga guidat e specializuara. Siguria e tyre dhe e të tjerëve varet nga respektimi i këtyre udhëzimeve dhe informacioneve të rëndësishme për këto aktivitete sportive.' njofton Mbrojtja Civile.
Komente
![](https://www.report-tv.al/template/img/antipiracynote.jpg)
Keqardhje per turistet qe po humbin jetën perdit por duhet te behet diçka ne kete drejtim përtej te tjerave a mundet taksapaguesit Shqiptar perdit shpenzimet e helikopterit dhe skuadrës se shpëtimit. Ne europ kete e mbulon sigurimi shëndetësor i te plagosurve ose i te ndjerëve.
PërgjigjuKur do i vendoset siguracion i detyrueshem aventuriereve or teeeejjjjj
Përgjigju