Kryetari i Këshillit Kombëtar të PD, Bujar Nishani

Politikë

Bujar Nishani: Basha humbës i përsëritur! Nuk do ta rrëzojë Ramën as për 18 vite

4 Maj 2021, 21:50| Përditesimi: 4 Maj 2021, 21:56

  • Share

Kryetari i Këshillit Kombëtar të PD, Bujar Nishani, i ka bërë edhe njëherë thirrje kreut të PD-së, Lulzim Bashës që të japë dorëheqjen dhe të marrë përsipër përgjegjësinë për humbjen në zgjedhjet e 25 prillit. Në një intervistë për emisionin "Përballë", Nishani tha se qëndrimi i Bashës ende në krye të PD, rrezikon ta lërë vendin pa alternativë qeverisëse.

“Duhet marrë përsipër humbja. Kjo është një kulturë për të cilët duhet të kultivojmë veten tonë dhe pastaj kur të jemi përballë të tjerëve do të veprojmë me të njëjtin standard. Pati një qëndrim nga Basha i cili refuzoi të merrte përgjegjësinë politike, konstatoi se ishin humbur zgjedhjet. Në momentin kur Basha doli dhe konfirmoi humbjen dhe nuk mori asnjë përgjegjësi por nënvizoi faktin se do të vazhdonte të mbante të njëjtin temp dhe model. Atëherë është detyra e kujtdo në PD për të vënë alarmin pasi rrezikojmë të mbetemi pa alternativë qeverisëse. Mund të kesh opozitë formale por nuk ke alternativë qeverisëse", tha ai.

Sipas Nishanit, Basha është "humbës i përsëritur" dhe se nuk do mund të arrijë të mundë Edi Ramën në zgjedhje "as në 18 vite". Ai shtoi se Basha duhet të japë ndihmesën që në PD të nisë një projekt i ri dhe se kjo vjen kur kryetari merr përgjegjësinë politike

"Nuk kemi asnjëherë tjetër rast kur humbësi është i përsëritur. Humbi në 2015. Humbi në garën e parë elektorale politike në 2017. U thanë të njëjtat gjëra si sot që na i kanë vjedhur. U dha garanci se këto nuk do ndodhi më. Në vitin 2019 nuk u hy në garë për të shmangur një humbje të dorëzuar në tavolinë. Në rastin e katërt humbje politike me të njëjtat argumente dhe shfajësime.

Problemi është se duhet të ketë një projekt që ta mundë Edi Ramën dhe jo ta ndryshojë atë. Mendoj që në 8 vite Basha nuk arriti të përmbushte projektet e tij për të rrëzuar Ramën. Nuk do arrijë as në 18 vite. Basha duhet të japë ndihmesën që në PD të nisë një projekt i ri. Kjo vjen kur kryetari merr përgjegjësinë politike”, deklaroi Nishani", shtoi ai.

Komento
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?