Kryeministri Edi Rama tha se nuk është këtu për të mbajtur anë në lidhje me Bullgarinë apo Maqedoninë e veriut, por tha se dy vendet, dy miqtë e Shqipërisë duhet të ulën të dialogojnë dhe ta zgjidhin këtë çështje me njëra-tjetrën. Rama tha se Shqipëria ndodhet në këtë mes në mënyrë të pavullnetshme, por që ndikon në integrimin e saj në BE.
“Do të thoja po është shumë e rëndësishme për ne si Shqipëri ta shohim këtë çështje të zgjidhur dhe jemi të vëtëdijshëm që është një çështje e ndjeshme këtu, por jemi të përfshirë këtu në mënyrë të pavullnetshme pasi të dy vendet po presin vendimin e BE për çeljen formalisht për negociatat e bisedimeve, por siç janë gjërat besoj fort që midis dy vendeve ka mundësi të mjaftueshme për të komunikimin dhe dialoguar dhe për ta zgjidhur së bashku. Ka kaq shumë gjëra që bëjnë të dy vendet të afërta për një të ardhëm të përbashkët e pavarësisht sa të vështira mund të jenë këto çështje dhe besojë fort se mund të tejkalohet. Shqipëria është duke e respektuar këtë , aktualisht po ecim njëkohësisht me Maqedoninë e Veriut po shtrohet pyetja sa kohë do të kërkohet kjo çështje. Është e qartë që kemi përmbushur të gjitha kushtet dhe do të respektojmë të dy miqtë që duhet ta zgjidhin këtë. Besoj fort se mbi të gjitha duhet zgjidhur mes dy vendeve pasi të gjithë të tjetër mund të ndihmojnë, por nuk besoj se të tjetër mund të zëvendësojnë atë që të dyja palët mund të zgjidhin. Ne nuk jemi këtu për të mbajtur anë, por dialogu mes dy vendeve mund të çojë në një zgjidhje”, tha Rama.
Rama foli edhe për pakicat bullgare në Shqipëri, ku tha se të drejtat e pakicës respektohen sipas të gjitha standardeve të BE dhe se kjo pakicë është e integruar në jetën e vendit.
“Nga ana tjetër faleminderit për nënvizimin e faktit se Shqipëria është një vend model për trajtimin e pakicave dhe ndjehemi shumë mirë që pas një nisme të marrë nga vetë ne disa vite më parë për pakicat ku u ngrit në një nivel i ekselencës në përputhje me parimet dhe standarde e këshillit të europës dhe BE dhe në këtë kontest më vjen mirë që vë re se sa herë takohem me miq nga Bullgaria të gjithë nënvizojnë faktin se pakica bullgare në Shqipëri gëzon të drejta të plota dhe është plotësisht e integruar dhe është në lirinë e vetë për të kultivuar atë pjesë të trashëgimisë për ta përcjellë nga brezi në brez”, tha Rama.
Lajmi kryesor: