Zvicra po mendon të dënojë me burgim deri në tre vjet këdo që ngroh dhomat e tyre mbi 19 gradë Celsius këtë dimër. Kjo masë drastike vjen si pasojë e planit energjitik për racionimin e gazit për shkak të luftës në Ukrainë. Vendi mund të vendosë gjithashtu gjoba për ata që shkelin rregulloret e reja të propozuara.
Duke folur për Blick, Markus Sporndli, i cili është një zëdhënës i Departamentit Federal të Financave, shpjegoi se shkalla e gjobave në bazë ditore mund të fillojë nga 30 franga zvicerane. Ai shtoi se gjoba maksimale mund të jetë deri në 3,000 franga zvicerane.
Rregullorja e re parashikon gjithashtu se kompanitë që qëllimisht tejkalojnë kuotat e tyre të gazit mund të përballen me ndëshkime administrative. Për më tepër, sipas masave të reja, temperaturat në ndërtesat me ngrohje me gaz nuk mund të jenë më shumë se 19 gradë celcius.
Blick gjithashtu raportoi uji i ngrohtë për t’u larë nuk lejohet të ketë një temperaturë më të lartë se 60 gradë. Ujë të ngrohtë nuk mund të ketë as në pishina. Madje edhe saunat do të dalin jashtë përdorimit. Masat janë të përcaktuara në Ligjin Federal për Furnizimin Ekonomik Kombëtar, të cilit i referohet Departamenti Federal i Çështjeve Ekonomike në një dokument zyrtar.
Lidhur me masat e reja të propozuara, kantonet e Zvicrës kanë afat deri më 22 shtator për të paraqitur çdo shqetësim.
Komente
Diktatura po kthehete. Lavdi PPSH
PërgjigjuKafshe,akoma me klushet e enver qenit
Po zvicra eshte -20 grad në dimer kurse ne Tirone dalim nudo neper ballkone? Öre per klimen Shqipëria Është si Itali greqi spanje Mal Zi mos u merrni me Zvicern , zvicra ka shok Suedine dhe Danimarken dhe atje ka rryme sepse jane vende vikingesh Ato drite dhe nxehte dhe ndertesa A+++
Përgjigju