Sonte duke nisur nga ora 21:00 luhen dy ndeshje të tjera të fazës së 1/8 të Champions League. Ajax pret në Amstrerdam kampionët e Europës në fuqi Real Madrid ndërsa në Londër do luhet dueli mes Tottenham dhe B. Dortmund.
Los Blancos vijnë në një moment shumë të mirë dhe janë favoritet të për fituar sonte. Kapiteni Sergio Ramos ka një mbrëmje të veçantë pasi luan ndeshjen numër 600 me fanellën e Realit. Në dyshim është mbrojtësi francez Varane ndërsa pjesën tjetër të formacionit trajneri Santiago Solari duket se e ka vendosur ku titullar do jetë sërish braziliani Vinicius Junior. Nga ana tjetër Ajax nuk po kalon një moment të mirë pasi në ndeshjet e fundit ka pësuar shumë gola dhe mbrojtja duket pika e dobët.
Në “Wembley” zhvillohet ndeshja Tottenham-Dortmund dy skuadra që prodhojnë pak a shumë një futboll të njëjtë. Si anglezët ashtu edhe gjermanët pritet të kenë mungesa. Harry Kane dhe Dele Ali nuk janë të gatshëm për trajnerin argjentinas Pochetino tek londinezët ndërsa në dyshim për Dortmundin janë katër futbollistë mes tyre edhe kapiteni Marko Reus.
