Pavarësisht deklaratave të ditëve të fundit që administrata e Shtëpisë së Bardhë do të jetë ndër të parat që do të marrë vaksinën kundër COVID-19 të Pfizer / BioNTech, një gjë e tillë është kundërshtuar nga presidenti Trump.
Trump sugjeroi që zyrtarët e lartë do të duhet të presin më gjatë.
"Njerëzit që punojnë në Shtëpinë e Bardhë duhet të marrin vaksinën disi më vonë në program, përveç në rastet e nevojshme. Unë kam kërkuar që të bëhet një rishikimin”, tha Trump në një postim në Twitter.
SHBA ka aprovuar vaksinën për përdorim emergjent dhe do të fillojë vaksinimin ditën e sotme.
Tre milion dozat e para të vaksinës po shpërndahen në dhjetëra vende në të 50 shtetet e SHBA.
Miratimi i vaksinës është parë si një pikë kthese në luftën ndaj pandemisë, e cila u ka marrë jetën pothuajse 300,000 njerëzve në SHBA.
Dozat e së njëjtës vaksinë tashmë janë shpërndarë në Mbretërinë e Bashkuar dhe kanë marrë miratimin në Kanada, Bahrein dhe Arabinë Saudite.
