Gjatë 24 orëve të fundit në vendin tonë janë shënuar 670 raste pozitive dhe 4 humbje jete për shkak të COVID-19. Nga 3331 testime të kryera në 24 orë nga dhe kanë rezultuar pozitivë 670 qytetarë. Rastet pozitive të konfirmuara janë identifikuar në këto bashki: 262 raste në Tiranë, 29 në Elbasan, 27 në Durrës, 25 në Fier, nga 23 raste në Lezhë, Vlorë, 21 në Krujë, 16 në Berat, 15 në Lushnje, 14 në Kavajë, 13 në Shkodër, nga 12 raste në Sarandë, Dibër, Himarë, nga 11 raste në Kurbin, Mat, nga 10 raste në Korçë, Kukës, Cerrik, nga 9 raste në Kamëz, Gjirokastër, nga 8 raste në Librazhd, Delvinë, nga 7 raste në Prrenjas, Shijak, 6 në Peqin, nga 5 raste në Mallakastër, Ura Vajgurore, Divjakë, Gramsh, Kuçovë, nga 4 raste në Pogradec, Tepelenë, Roskovec, nga 3 raste në Mirditë, Skrapar, Vorë, Patos, nga 2 raste në Memaliaj, Poliçan, nga 1 rast në Has, Rrogozhinë, Përmet, Kolonjë, Klos, Dropull, Konispol.
Me gjithë përpjekjet e stafit mjekësor, 4 qytetarë nga Tirana, Fieri, Kavaja dhe Mati, të moshave 37- 77 vjeç, nuk e kanë fituar dot betejën me sëmundjen.
Në 24 orët e fundit janë shëruar 505 qytetarë, duke e çuar numrin e të shëruarve 41,969 që nga fillimi i epidemisë.
Aktualisht në 4 spitalet COVID, po trajtohen 279 pacientë, 24 në terapi intensive nga të cilët 5 pacientë janë të intubuar.
COVID-19 – Statistika (20 Janar 2021)
Raste të reja ditore 670
Të shëruar në 24 orë 505
Të shtruar në spitale 279
Humbje jete në 24 orë 4
Testime ditore 3331
Testime totale 321,372
Raste pozitive 69,238
Raste të shëruara 41,969
Raste Aktive 25,978
Humbje jete 1291
Shpërndarja gjeografike e rasteve aktive sipas qarqeve:
Tiranë 15156
Fier 1953
Durrës 1444
Shkodër 1320
Elbasan 1055
Vlorë 1019
Lezhë 962
Korçë 874
Berat 812
Dibër 506
Gjirokastër 502
Kukës 375
Sot u shënua dita e 10-të e vaksinimit antiCOVID në vendin tonë. Në një intervistë për Report Tv, specialistja e programit e vaksinimit në ISHP, Iria Preza shprehet se procesi vijon normalisht dhe se deri më tani janë vaksinuar mbi 500 personel shëndetësor. Gjithashtu ajo shprehet se asnjë prej të vaksinuarve nuk ka shfaqur simptoma apo efekte anësore.
"Janë bërë afërsisht 500 vaksina për personat që i përkasin personelit shëndetësor, kryesisht nga spitalet COVID dhe urgjencës së qarkut të Tiranës. Edhe sot ka qenë një proces i qetë. Ashtu siç kemi thënë më parë, një pjesë e rëndësishme e vaksinimit është raportimi i ndonjë efekti anësor. Në raportimet që kemi janë efekte të zakonshme, një dhimbje në vendin e injektimit nga shpimi. Në këtë sasi të parë që kemi jemi të fokusuar tek personeli shëndetësor sidomos për ata që janë në vijë të parë. Janari është i konfirmuar që pritet të vijë sasia tjetër nga Pfizer dhe menjëherë do vijojë puna për vaksinimin e grupeve të tjera prioritare. Është shumë e rëndësishme që të gjithë të jemi të vetëdijshëm të presim. Vaksinimi është shumë i rëndësishëm, të jemi të duruar të dëgjojmë, të marrim informacione nga burime të besueshme, nga media, mos të tregohemi të paduruar" - tha Preza.
Komente
U ftofshi në myth, prorisnisni deri në shtator tani për vaksinat e tjera
Përgjigju