Vrasja tragjike e 8-vjeçarit Mateo Vasiu në Fier, ka bërë që kërkesës së familjarëve të të miturit t’i bashkohen edhe shumë qytetarë duke hedhur firmat për rikthimin e dënimet me vdekje. Por për të dy avokatët, Idajet Beqiri dhe Kujtim Cakrani, në Shqipëri nuk do të ketë kurrë kthim të këtij dënimi që është e përcaktuar edhe në Kushtetutë dhe se vendi ka synim BE që e ka të ndaluar dënimin me vdekje.
Në një debat në Report Tv, Idajet Beqiri tha se problemi më i madh është tek ‘ushqimi’ që i bëhet krimit, që nga shoqëria e dhunshme dhe e paqytetëruar deri te ngërçi i institucioneve dhe mosfunksionimi i hallkave të tyre.
“Ka disa faktor që e mbajnë të gjatë krimin në këtë vend, krimi e ka pjellore tokën në këtë vend dhe këtë ia jep shoqëria që është shumë e dhunshme dhe nuk i shkon askujt se kur ndodh edhe një konflikt i vogël, shqiptarit nuk i shkon mendja tek qetësimi i situatë dhe gjetja e zgjidhjes, por na shkon mendja te dhuna tek e fundit fare. E dyta këtë krime në 30 vite na e mban gjallë politika. E gjithë qeveria ka vetëm dhunë verbale dhe fryje, dhe politika pjell gjithmonë krim, Edhe Institucionet nuk funksionojnë zinxhir, sikur njëra hallkë të jetë ë dobët aty godet krimi dhe krimineli. Ne i fusin në burgje jo për t’i nxjerrë njerëz, por për t’i nxjerrë dyfish kriminale. Kjo pasi në burgjet e Shqipërisë asnjë psikolog nuk bën punë e tij dhe të burgosurit mësojnë si të bëjnë të tjera dhe të lidhen me njëri tjetrin”, tha Beqiri.
Në lidhje me dënimin me vdekje, avokati Beqiri tha se kjo nuk do të ndodh, madje edhe sikur të bëhet referendum shumica e shqiptarëve do të votojnë kundër. Për të e vetmja zgjidhje ëhstë zbutja e shkaqeve të krimit dhe do të shihet se burgimi i përjetshme është një dënim mjaft i rëndë, madje edhe më i rëndë se ai me vdekje.
“Edhe sikur të vesh në referendum, është një gjë që nuk miratohet nuk bëhet pasi do të kërkojë ndryshime kushtetuese, Forcat politike janë pro europaine. Pastaj edhe vetë shoqëria nuk është shumica për këtë dënim, madje edhe po të shkojë deri në referendum nuk do e votojnë. Burgimi përjetë është shumë më i rëndë se dënimi me vdekje. Të zbusim shkaqet e krimit të jeni të bindur se dënimi me burgim të përjetshëm e bën efektin e tij. Ne duhet të qytetërohemi në kuptimin e vërtetë të fjalës”, tha Beqiri.
Në të njëjtën linjë ishte edhe avokati Kujtim Cakrani, i cili tha se problemi më i madh në vend janë burgjet dhe institucionet e rehabilitimit që nuk funksionojnë. Ai tha se të burgosurit nuk dalin nga vuajtja e dënimit si qytetarë, por më kriminelë nga sa u futën. Sa për dënimin me vdekje, Cekrani tha se shteti nuk është terrorit dhe se kjo nuk ka për t’u rikthyer kurrë.
“Burgjet janë problemi më i madh, institucionet e rehabilitimit te ne janë problematikë, të gjithë punonjësit janë atyre, sociologë dhe psikologë, ne të gjithë jemi bashkëfajtor për të gjithë atë që po ndodh. Kthimi i dënimit me vdekje? Dënimi i me vdekje në Shqipëri nuk kthehet më, është e sanksionuar edhe në Kushtetutë, Ne presim të hyjmë në BE dhe të gjithë vendet e tyre e kanë të ndaluara. Edhe në SHBA e kanë vetëm 11 shtete që janë ato më konservatore, por nuk do të thotë se dhe këto shtete nuk kanë ngjarje të tilla tragjike, ka ndodhur që edhe kanë dënuar persona me vdekje dhe më pas kanë dalë të pafajshëm. Shteti nuk është terrorist dhe të mos ushqehet më opinioni me këtë çështje. Ne i kemi ashpërsuar ligjet, por nuk është se ashpërsimi do të sjellë ulje të krimit”, tha Cakrani.
I gjithë debati i dënimit me vdekje në opinionin publik është rikthyer pas vrasjes së 8-vjeçarit Mateo Vasiu në Fier më 16 nëntor nga Klodian Çalamani, e cili e goditi dy herë më kazmë pas koke dhe e groposi në shtëpinë e tij.
Komente
Po si nuk ju vjen turp qe thoni keto fjale po tnu kishte ndodhur ne familjet tuaja cfare do te thonit te nderuar zoterinj avokate? Po Amerika qe eshte tempulli i demokracise pse ne pjesen me te madhe te shteteve te saj e ka te sanksionuar denimin kapital me karrike elektrike? Cfare BE kerkoni ju o hajna qe ne vend qe ju te jeni te paret qe te kerkoni denimin kapital. Une e kuptoj fare mire qe Zoti ta jep jeten dhe vetem ai ta merr. Po Mateos se vogel qe Zoti i dha jeten dhe ja mori jo Zoti por dora e nje krimineli ordiner? Per ju dhe ata qe qendrojne pas jush me shume rendesi ka integrimi ne BE sesa jeta e mje femije? Per keto raste te nderuar zoterinj avokate denimi kapital duhet te jete i domosdoshem dhe kjo te sanksionohet me referendum popullor
Përgjigju