Këtë të hënë është publikuar lista me maturantët fitues në degët e përzgjedhura për në universitet. Lista është publikuar në portalin u-albania, aty ku maturantët mund të shohin se me ngjyrë jeshilë shfaqen degët ku janë shpallur fitues, ndërsa me të kuqe degët që nuk kanë marrë pikët e mjaftueshme.
Rreth 22 mijë maturantë kanë aplikuar për të nisur studimet në universitet. Ndër degët më të preferuara mbeten Teknologjia e informacionit, Mjekësia dhe Ekonomiku.
Nga data 2 deri më 15 shtator studentët e ardhshëm kanë mundësi të regjistrohen në një prej degëve ku kanë rezultuar fitues në raundin e parë, pranë fakultetit përkatës. Ky raund përbëhet nga 7 faza 48-orëshe regjistrimi.
7 fazat
Faza 1: 2-3 shtator
Faza 2: 4-5 shtator
Faza 3: 6-7 shtator
Faza 4: 8-9 shtator
Faza 5: 10-11 shtator
Faza 6: 12-13 shtator
Faza 7: 14-15 shtator
Një afat 2 ditor, nga data 16-17 shtator është përcaktuar për maturantët të cilët do të kenë mundësi të ç’regjistrohen dhe të aplikojnë sërisht për kuotat e mbetura bosh në degët që ata preferojnë.
Ndërkohë universiteti këtë vit do të fillojë në muajin nëntor pasi gjatë muajit tetor studentët do të japin provimet e mbartura.
