Kryetari i Bashkisë së Trianës, Erion Veliaj ka publikuar pamjet nga rruga "Tom Plezha" në Astir, e cila do të mundësojë lidhjen me Unazën e Madhe.
“Rruga ‘Tom Plezha’, në Astir, po del në dritë!”, shkruan kryebashkiaku në një postim në rrjetn e tij social Facebook, ku publikoi pamjet e rrugës.
Veliaj shkruan gjithashtu se puna vazhdon pa u ndalur për një qytet më të bukur.
Rruga “Tom Plezha” ka nga dy korsi në secilën anë dhe një korsi shtesë për parkingun.
Paralelisht me investimin në infrastrukturën rrugore, u punua dhe me kanalizimet e ujësjellësit, çka ka sjellë një përfitim të dyfishtë për banorët e zonës. Zona e Astirit njihet si një nga hapësirat urbane me rritjen më të madhe demografike në 30 vitet e fundit.
J.GJ./ReportTv.al
Komento
