Skandali i publikuar nga mediat gjermane sa i përket një dhune seksuale të mundshme nga një prej punonjësve të FSHF-së në kampin e Shqipërisë në Dortmund, vazhdon të diskutohet ende në Gjermani.
Prestigjiozja gjermane, “Bild”, duket se ka nxjerrë disa detaje të reja sa i përket këtij sulmi, ku e reja ka kontaktuar menjëherë policinë dhe ka deklaruar se ishte dhunuar në “Sport Centrum Kaiserau” në Kamen më 23 qershor, ndërsa 18 vjeçarja ka marr lëndime tipike që ndodhin në një sulm seksual.
Por kjo nuk është e gjitha. Rasti nuk ka qenë aq i qartë për policinë, pasi është zbuluar se 18-vjeçarja ishte në kontakt me 26-vjeçarin shqiptar dhe se ai i ka thënë lamtumirë pasi u largua, me shpresën se do ta shikonte sërish.
Pyetja që ka ngritur Prokuroria Publike e Dortmundit është: “A e dinte ai që do të refuzohej nga 18-vjeçarja dhe për këtë arsye e përdhunoi?”, gjë që vazhdon të jetë e paqartë.
S.B/ReportTv.al“Ne po kontrollojmë nëse mund të marrim deklaratën e të akuzuarit përmes një kërkese për ndihmë juridike”, tha prokurorja publike Sonja Frodermann.
