DHËRMI - Pronari i hotelit 'Hilton' dhe dy punonjës të tij ranë në kontakt me rrymën elektrike teksa po kryenin disa punime me ndriçimin e jashtëm të hotelit pasditen e sotme.
Si pasojë ka ndërruar jetë në spital pronari i hotelit, Aldo Metani, ndërsa dy punonjësit E.H. dhe K.N., janë në gjendje të rëndë, bëjnë me dije burime për Report Tv.
Tre shtetasit pas kontaktit me energjinë elektrike u dërguan në spital për ndihmë mjekësore, por pronari i hotelit nuk ka mundur t'iu mbijetojë plagëve të marra gjatë kontaktit. Mbetet për t'u parë në vijim gjendja e dy punonjësve të tjerë.
Siç bën me dije gazetari i Report Tv, Armand Xhelili 3 personat kanë qenë duke vendosur një shtyllë ndriçimi të jashtëm, ndërkohë që janë afruar me linjën e lartë të tensionit të lartë dhe ka rënë masë. Ndërkohë pritet të mbërrijë helikopteri për të dërguar drejt Tiranës dy punonjësit në gjendje të rëndë.
'Në vijim të informacionit paraprak të dhënë, për tre shtetasit të cilët ranë në kontakt me energjinë elektrike në ambientet e jashtme të një hoteli në Dhërmi, ju informojmë se shtetasi A. M., rreth 40 vjeç, pronari i hotelit, ka ndërruar jetë për shkak të dëmtimeve, ndërsa dy punonjësit e dëmtuar do të transportohen për ndihmë mjekësore të specializuar në Tiranë.', thuhet në njoftimin e policisë.
Sakaq, grupi hetimor shkoi tek hoteli për zbardhjen e plotë të rrethanave të ngjarjes.
'Rreth orës 17:25, në Dhërmi, shtetasit A. M, E. H, dhe K. N, (pronari dhe 2 punonjës të një hoteli), dyshohet se duke punuar me ndriçimin e jashtëm të hotelit, aksidentalisht kanë rënë në kontakt me energjinë elektrike dhe për pasojë janë dëmtuar. Të tre shtetasit janë transportuar për ndihmë mjekësore në spital, ku ndodhen nën kujdesin e mjekëve.', thuhet në njoftimin paraprak.
Komente
HotelI quhet HILDON che jo HILTON
PërgjigjuHotel me standarte. Kështu do i plagosin dhe pushuesit këta biznesmenët e shtetit.
PërgjigjuC'dreqin perdorin emrin /Hilton/ per hotelin,apo kerkojne te afermit e ketij qe nderoi jete te perfundojne ne gjyq nga Hilton-et e vertete per perdorim emri dhe aq me teper ne nje hotel?!
PërgjigjuPo ti je nje nga Hilto_et qe po' shkruan idiotsira? Para se te hapesh gojen , pertypi mire fjalet.