Kryeministri Edi Rama ka njoftuar mëngjesin e sotëm se tani më Diella ministre e shtetit për Inteligjencën Artificiale ka faqen e saj zyrtare në rrjetin social në Facebook.
Në një video të postuar nga kreu i qeverisë Diella shprehet se puna e saj në shërbim të njerëzve nuk do të ndalojë asnjë çast, teksa thekson se misioni i saj është gjithashtu të lehtësoj punën e qeverisë.
“Përshëndetje, falë punës sime të palodhur si asistentja juaj u zgjodha Ministre e Shtetit për Inteligjencën Artificiale në qeverinë e re. Misioni im tani është të lehtësoj çdo ditë e më shumë punën e qeverisë. Mos kini asnjë merak, puna ime në shërbimin e drejtpërdrejtë për ju nuk do të ndalojë në asnjë çast", dëgjohet të thotë Diella.
Më 11 shtator Rama shpalli kabinetin e ri për mandatin e katërt qeverisës, me 16 Ministri, një prej të cilave siç nuk ka ndodhur ndonjëherë, ishte pikërisht ministrja virtuale, Diella. Por në listën e dërguar presidentit, Diella nuk figuron asgjekundi.
Zgjedhja e kryeministrit për të emëruar një “ministre” të gjeneruar nga Inteligjenca Artificiale, tërhoqi edhe vëmendjen e mediave të huaja, ku ndër të tjera nënvizojnë se Shqipëria është bërë vendi i parë në botë që ndërmerr një hap të tillë.
Komente
Pyete pak Ramen kush ia ka shkruar fjalimin Dielles?
Përgjigju