Një makinë tip "Volkswagen" është përfshirë nga flakët mbrëmjen e kaluar në Krujë, teksa ka qenë e parkuar në pronësi të shtetasit Sahit Hysa.
Burime për Report Tv bëjnë me dije se makina e djegur është e vëllait të Eljon Hysës nga Gjormi, i cili u gjend i vrarë dhe i groposur në Niklës me 14 korrik të vitit 2018.
Makina ka qenë e parkuar në oborrin e banesës të motrës së tij ku Hysa kishte shkuar për darkë tek motra e tij dhe ka marrë flakë.
Policia ka shoqëruar në ambientet e Komisariatit, 6 persona dhe janë sekuestruar pamje filmike si dhe janë kryer disa kontrolle banesash
Praprakisht dyshohet se kemi të bëjmë me zjarrëvënie të qëllimshme. Dyshohet se makinës i është vënë flaka si pasojë e hasmërive që familja e tyre ka.
Banesa ku i është vënë flaka ndodhet në një fshat në dalje të Fushë-Krujës dhe nuk ka kamera sigurie.
‘Më datë 09.05.2021, në orën 22:30, në Krujë ka marë flakë në parkim mjeti tip "Volksëagen", në pronësi të shtetasit S. H. Grupi hetimor po punon për zbardhjen e ngjarjes ku ka shoqëruar në ambientet e Komisariatit 6 persona, janë sekuestruar pamje filmike si dhe janë kryer disa kontrolle banesash. Materialet i kaluan Prokuorisë së Rrethit Gjyqësor Krujë.’- njofton policia.
Eljon Hysa, i njohur ndryshe edhe me emrat Kejsi Hysa dhe Sahit Hysa, u gjet i groposur pranë një përroi në afërsi të varrezave të Niklës në 14 korrik të vitit 2018, pas 9 ditësh që ishte shpallur i zhdukur nga familjarët.
Hysa u vra dhe më pas u gropos pranë varrezave të fshatit Nikël, në mënyrë që trupi i tij të mos zbulohej. Ai ishte i akuzuar për një vrasje në Sarandë në 2015-në dhe i fshihej policisë pasi ishte shpallur në kërkim. Por vrasja nuk kishte lidhje me krimin në Sarandë, por për shkak të prishjes së pazareve të drogës. Për vrasjen e Hysës janë arrestuar Hysnin Ramaj dhe Agron Tufa.
Hysni Ramaj, 31 vjeç tregoi para gjykatës dinamikën e vrasjes. Ai pranoi autorësinë para trupit gjykues, dhe tha se shkak për vrasjen ishin 8 mijë eurot që dy autorët i kishin borxh viktimës. “E vramë. I kishim 8 mijë euro borxh. Hysa kërkoi lekët, na shau dhe ofendoi.”-mësohet se është shprehur Ramaj para gjykatës.
Eljon Hysa dhe vendi ku gjet i vrarë
M.Q.//ReportTv.al