E kaloi fëmijërinë në ambientet e spitalit, jo për shkak të ndonjë sëmundjeje, por sepse të dy prindërit i kishte punonjës të shëndetësisë.
Ishte pikërisht ky 'takim i parë' që ia përforcoi dëshirën për të qenë pranë pacientëve dhe për të ushtruar një profesion sa human, aq edhe sfidues.
Shëndetësinë e kam njohur që 40 ditëshe", tregon Blerta Llace në emisionin "Një nga ne" në Report Tv.
Prindërit kanë qenë një mbështetje e madhe për Blertën dhe e kanë inkurajuar që të mos heqë dorë nga ëndrrat.
Sot infermiere në Poliklinikën e Specialiteteve në Elbasan, na tregon sa dinamike është dita e saj.
E nis çdo ditë në punë me vizita e pastaj vendin e zënë pasionet e panumërta.
Asgjë nuk e çon dëm, riciklon filmat e grafive që merr tek puna, deri tek bidonat e detergjentëve të cilët i ka kthyer në oaz lulesh në ballkonin e shtëpisë.
Por, nuk përfundon këtu. Do të mahniteti nga pikturat e saj, punimet në qelq dhe metal, pirografitë dhe stilimet me makinë qepëse.
Për më shumë ndiqni emisionin "Një nga ne".
