3 miliardë dollarë. Kaq mund t’i kushtojë tradhtia ndaj Sheikha Mahrës, vajzës së kryeministrit të Emirateve të Bashkuara Arabe, biznesmenit Sheikh Mana bin Mohammed bin Rashid.
Pak ditë më para, Sheikha Mahra, njoftoi divorcin nga babai i vajzës së saj përmes një postimi në rrjetin social Instagram, duke e akuzuar për tradhti.
Sinjali për një krisje mes çiftit miliarder, u dha nga vetë 30-vjeçarja disa javë më parë, kur postoi një foto me vajzën e saj në rrjetet sociale shkruante “vetëm ne të dyja”.
Emiratet e Bashkuara Arabe kanë të çimentuar fort në legjislacionin civil se me rast divorci, burri ka detyrime të shumta ekonomike që duhet t’i përmbushë kundrejt ish bashkëshortes dhe fëmijëve.
Juristët me përvojë nga Emiratet theksojnë se është shumë herët për të folur për kushtet e divorcit, por në çdo rast Sheikh Mana mund të detyrohet t'i paguajë princeshës me origjinë greke dëmshpërblim në varësi të pasurisë së paluajtshme të bashkëshortit të saj, por që mund të shkojë deri në 3 miliardë dollarë.
Pasuria personale e Sheikh Manna vlerësohet midis 1.5 miliardë dhe 40 miliardë dollarë, megjithëse e padiskutueshme është pasuria e tij neto prej 6 miliardë dollarësh.
S.B//ReportTv.al
