TIRANË- Familja e vajzës 2-vjeçare që përfundoi në spital në gjendje të rëndë infeksioni pas djegies me cigare në trup nga vëllai i saj më i madh, 9-vjeç, jeton në kushte të mjerueshme,
Familja Ruqi, pjesë e komunitetit rom në Shqipëri jeton në një barakë në zonën e Tufinës në periferi të Tiranës. Report Tv ishte në barakën ku jeton e mitura ku gjeti gjyshen e vajzës së vogël, Lirie Ruqi. Ajo zbuloi se çfarë tregoi nipi kur panë vajzën e djegur.
‘Më tha Davidi e ka djegur me cigare tha. E gjeta cigaren përdhe e gjujta, pa dashje i ra motrës. ‘- tha ajo.
E vogla, dyshohet se rreth 1 javë ma parë, është djegur me cigare në pjesë të ndryshme të trupit nga vëllai. Nga pakujdesia apo jo, prindërit e kanë lënë pa asnjë trajtim, derisa gjurmët e djegies u infektuan.
‘Infeksioni i gjallë është këtu mi none!’- tha gjyshja.
Vajzën 2-vjeçare e çoi në spital më 15 nëntor halla e saj në QSUT. Mjekët e panë gjendjen e vështirë dhe e futën në shërbimin e reanimacionit të pediatrisë, por nga bluzat e bardha mësohet se gjendja e saj është stabël.
Djali është marrë në pyetje edhe nga policia në prani të psikologut dhe ka pranuar se e ka djegur motrën me bishtat e cigareve, pa dhënë një motiv përse, ndoshta duke e konsideruar si lojë të parrezikshme. 9-vjeçari aktualisht sipas gjyshes nuk shkon në shkollë.
Nga hetimet e deritanishme nuk ka të dhëna që vajza të jetë dhunuar apo djegur nga persona të tjerë të familjes, dhe as të jetë abuzuar seksualisht me të, siç u spekulua në disa media, kjo e vërtetuar me analizat e kryera nga ekspertiza e mjekëve-ligjorë.
Lojë apo jo, fakti që e vogla u la deri në këtë gjendje pa mjekim, duke iu përhapur infeksion në trup, policia i është drejtuar shërbimit social, dhe mund të shkohet deri në heqjen e së drejtës së prindërimit.
Report Tv ishte në banesën e familjes ku 2 vjeçarja u dërgua në spital me plagë djegieje. Ata jetojnë në Tufinë në barake në një lagje ku jetojnë dhe pjesëtarë të tjerë të komunitetit rom.
Kushtet janë të mjerueshme.
Davidi, vëllai I të voglës nuk është i regjistruar në sistemin arsimor dhe nuk frekuenton shkollën.
Lirie Rruça, gjyshja e 2 vjeçares e cila u dërgua e djegur më cigare në spital, në një intervistë për Report Tv deklaroi se e ka djegur i vëllai me cigare pa dashje. Për gazetaren Enxhi Musaj, gjyshja u shpreh se se nuk është në dijeni për kohën se kur e kanë dërguar në spital vajzën e vogël.
Ajo u shpreh se Davidi, 9 vjeç nuk shkon në shkollë.
‘Çfarë ka goca? Ishte pa qejf. E ka djegur me cigare. E ka gjetur përdhe cigaren e gjuajta pa dashje. Nuk di gjë kur e kanë dërguar. Ndoshta e ka dërguar pas dy tre ditëve. Davidi nuk shkon në shkollë, ku di unë pse nuk shkon në shkollë. Infeksion i gjallë është këtu mi none.’- tha Lirie Rruça.
