Dortmundi është treguar i papërmbajtshëm këtë javë në Bundesligë pasi për 3 pikët ka shkatërruar me rezultatin 5-1 Hanoverin.
Skuadra verdhezi e nisi festivalin e golave që në minutën e 24 me futbollistin Hakimi, i cili realizoi një gol mjaft të bukur. Dyfishimi i rezultatit erdhi në pjesën e dytë me Reus, ndërsa Gotze dhe Guerreiro i dërguan shifrat në 4-0.
Për miqtë Bakalorz realizoi golin e nderit, ndërsa shifrat përfundimtare I stampoi Vitsel në ekstremin e kohës së rregullt.
BORUSSIA DORTMUND 5 - 1 HANNOVER
Në “La Liga” ndërkohë Sevillia vijon të impresionojë pasi ka mposhtur me ‘manita’ Levante-n. 45 minutat e para në “Ramos Sanchez Pizjuan” u mbëllën me porta të paprekura, ndërsa në pjesën e dytë Ben Yeder ishte protagonist i prishjes së ekuilibrave. Më pas Andre Silva dyfishoi rezultatin, para se Vazques, Sarabia dhe Promes të vulsonin kapitullimin e Levante-s me shifrat 5-0.
SEVILLA 5 - 0 LEVANTE
Fitore ka regjistruar edhe Atletico Madrid që ka mposhtur me rezultatin e pastër 2-0 Getafe-n. Ekipi i Simeones të dy golat e takimit i realizoi në pjesën e parë. Fillimisht ishte Griezman që zhbllokoi shifrat me një gol të bukur në hyrje të zonës, ndërsa më pas Saul Niguez dyfishoi dhe stampoi rezultatin përfundimtar. Në minutat e fundit të sfidës Getafe mori edhe dy kartona të kuq.
ATLETICO MADRID 2 - 0 GETAFE
Në Angli ndërkohë Manchester City nuk është kursyer ndaj Burnleyt. Në fazën e 1/16 skuadra e Guardiolës ka fituar 5-0 për të siguruar çerekfinalet e FA CUP. Golat në u realizuan nga Gabriel Jesus, Bernardo Silva, De Bruyne, Aguerro dhe një autogol.
MANCHESTER CITY 5 - 0 BURNLEY
//ReportTv.al