TIRANË- Në cilësinë e të pandehurit për dosjen ‘‘Babalja‘‘ ish deputeti demokrat Ervin Salianji ka dëshmuar në gjykatë ku është vënë përball të pandehurit tjetër Fredi Alizoti i cili më herët tha se ishte Salianji që atij dhe Albert Veliut i premtoi 200 mijë euro për të sajuar Babalen dhe përfshirjen e Agron Geron Xhafës.
Gjatë seancës Salianji mohoi njohjen me Alizotin, prokurorin Besim Hajdarmataj dhe të përfshirët në këtë audio-përgjim. Nuk mungoi dhe një përplasje e Salianjit me avokatin e Geron Xhafës Ardian Visha, ku ish deputeti akuzoi se ishte pikërisht Visha kur punonte në prokurorinë e përgjithshme që se ekstradoi atë në itali.
Në përfundim të seancës ish deputeti u shpreh se s'i druhet dënimit nga drejtësia pasi sipas tij ky është një proces i montuar gjyqësor. Ndërsa Report Tv ka mësuar se pas refuzimit të azilit nga Kosova, Hungaria Albert Veliut njohur si Babalja tashmë i është refuzuar azili edhe në belgjikë dhe ai pritet të ekstradohet për llogari të drejtësisë shqiptare.
Debatet ne sallën e gjyqit
Salianji: Olldashi më tha që po bëjë një investigim të madh. Më ka sjell një material se si Fatmir Xhafaj si ministër e ndihmonte të vëllanë.
Salianji: Për një periudhë të gjatë Veliu nuk ka kërkuar ndihmë.
Salianji: Materiali ishte në CD, dhe bisedonte Geron Xhafaj me Albert Veliu. Materiali ishte bruto. Gentian Osmani nuk e ka kërkuar materialin bruto, unë e kam të ruajtur dhe e disponoj.
Salianji: Babalen sot e njoh, por më para nuk e kam njohur kurrë. E kam njohur vetëm në momentin kur ka ardhur me Jetmir Olldashin. E kam njohur kur ka kërkuar mbrojtje nga PD, në tetor 2017.
Salianji: Me Olldashin njihem prej 10 vitesh, kam patur marrëdhënie miqësore. Fredi Alizotin nuk e kam takuar asnjëherë, nuk kam folur me të kurrë, këtë e njeh Edi Rama.
Salianji: Jam marrë me shumë denoncime në PD.
Salianji: Besim Hajdarmatajn e kam parë vetëm në televizor.
Salianji: Nuk kam patur dyshimi nëse është apo jo zëri i Geron Xhafajt. Aty ne kishim faktet dhe kaq. Ne në PD nuk kemi laborator.
Salianji: Të gjitha faktet na çonin se kjo audio ka qenë e vërtetë. Prokuroria nuk e ka marrë qëllimisht bruto audion.
Salianji: Dy dëshmi të rreme të dhëna të dy shtetasve Albert Mushi dhe Albert Veliu, e sjell në formën e kalllzimit.
Fredi Aluzoti: Ervin Salianji është mashtrues, ka gënjyer për mua edhe për përgjime që ka publikuar në media.
Salianji - Ardian Visha
Avokati i Geron Xhafajt, Ardian Visha: Jeni ndonjë biçim prokurori i PD që merreni me denoncimet? Çfarë struktute është kjo?
Salianji: Unë nuk përgjigjem me fjalën biçim, duhet ta tërheq.
Salianji: Ju nuk keni lënë që të ekstradohet Geron Xhafaj.
Salianji: Në PD çdo deputet merret me një strukturë të dryshme, sidomos për zonën që mbulon. Merren me denoncimet e qytetarëve, duke u dhënë zgjidhje sipas situatës.
Komente
Salianji dhe disa të tjer nga PD duhet të jen në qeli e jo në shtëpi, këta jan canceri i shoqërisë shqiptare ...!!!
Përgjigju