Sociale

Doza e 2-të e vaksinës kundër COVID-19,  të moshuarit: Nuk patëm efekte anësore nga doza e parë

3 Maj 2021, 14:38| Përditesimi: 3 Maj 2021, 16:18

  • Share

Në çadrat e vaksinimit në sheshin 'Skënderbej' të gjithë qytetarët e paraqitur injektuan dozën e dytë të Sinovac. Vetë ata shprehen se nuk kanë përjetuar efekte anësore nga doza e parë dhe se me të dytën do të ndjehen më të mbrojtur.

Deri më tani në vendin tonë janë kryer 500 mijë vaksinime për tu mbrojtur nga COVID-19. Gjatë ditës së stome qytetarët janë paraqitur në sheshin “Skënderbej” për të injektuar dozën e dytë të vaksinës kineze Sinovac. Ata shprehen se nga doza e parë nuk kanë pësuar asnjë efekt anësor. Ja disa prej prononcimeve të tyre për Reoport Tv:

"Ka qenë e lehtë nuk na ka dhënë asnjë shqetësim dhe tani kemi ardhur të marrim dozën e dytë"

"Unë për veten time nuk kam pasur asnjë problem, edhe kur e bëra dozën e parë një çikë mpirje te krahu pak fare edhe asnjë shqetësim nuk kam pasur".

"E kam bërë me datën tre prill të parën edhe erdha ta bëjë sot. Shumë mirë kam qenë, nuk kam pasur asnjë gjë. Unë kam besim tek vaksinat sepse kam bërë dhe vaksinën e gripit, kam katër vjet që e bëj vit për vit"

"Nuk kemi pasur fare shqetësime, kemi qenë shumë mirë"

"Për të dytën kam ardhur, mirë shumë mirë. E para më shkoi shumë mirë. Absolutisht asnjë gjë. Edhe sot kam ardhur me kënaqësi për ta bërë dhe të dytën. Kjo është një inkurajim që bëhet për të mbrojtur veten dhe të tjerët"

Objektivi i radhës është arritja e 1 milionë vaksinimeve dhe në gjysmën e dytë të muajit maj të nisë vaksinimi i transportit publik qytetatas dhe ndërqytetas. Kjo fushatë me ritme të shpejta vaksinimi synon lehtësimin e masave për sezonin turistik.

Ditën e sotme ka filluar vaksinimi me dozat e dyta edhe për punonjësi e Policisë së Shtetit.

1620044994_vaksina.jpg

1620045013_vaksin.jpg

 


Lajmi kryesor:

14.293 vaksinime në 24 orët e fundit! Manastirliu: Këtë javë vijnë mbi 11 mijë vaksina Pfizer, në maj mbërrijnë edhe 99 mijë të tjera


K.T.//ReportTv.al
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?