Së pari gëzimi i fitores ndaj Parmës, pastaj frika e madhe. Mbrëmje dramatike për David Neres, i cili teksa po kthehej në hotel pas suksesit 2-1 ndaj verdhebluve (hyri në lojë në pjesën e dytë), u sulmua nga dy persona të cilët thyen xhamin e makinës me të cilën ai udhëtonte me gruan e tij, i drejtuan armën në fytyrë dhe i rrëmbyen orën me vlerë 100 mijë euro.
Më pas Neres denoncoi ngjarjen në polici dhe u kthye në hotel, ku e prisnin fansat, pa e ditur se çfarë i kishte ndodhur. Gruaja e tij madje kërkoi falje në rrjetet sociale:
“David do të donte t'u kërkonte falje tifozëve që e prisnin, por teksa po dilnim nga stadiumi pas ndeshjes, dy burra me motoçikletë thyen xhamin e makinës dhe na grabitën me një episod me armë".
David Neres' car broken into in front of the Diego Armando Maradona stadium after Napoli's win over Parma.
— Kyama (@ElijahKyama_) September 1, 2024
It's reported two men on a motorcycle smashed the car windows and robbed him at gun point.pic.twitter.com/U010DiRnv1
