Çështja e PD dhe e ardhmja e saj janë çështje të interesit kombëtar dhe po ashtu forma e vetme për të sjellur në binarët e duhura Shtetin e së Drejtës! Shumë nga ju, edhe unë ndoshta ndonjëherë nga sulmet e padrejta dhe shumëdimensionale kemi menduar ose kemi bërë pyetjen retorike: a mund të ringrihet PD?!
Nuk ka forcë politike që ringrihet vetëm, si një gjë që nuk është pjesë e Jona! PD nuk është një gjë e huaj! Ajo ringrihet dhe fiton nëse fillimisht secili prej bësh beson tek vlerat që ajo ka dhe tek misioni që kemi ose duhet të bëjmë secili prej nesh!
Sistemet politike kanë njohur parti të mëdha që janë zhdukur, kanë njohur parti të vogla që janë bërë shumicë, kanë njohur lindjen e subjekteve të reja që janë kthyer shpresë! Partitë ngrihen për shkak të liderit, frymës, misionit, besimit që kanë ata që militojnë. PD është shpresa e vetme tek shqiptarët për Shtetin e së Drejtës, për të mundur kastën që ka krijuar sistemin e shtetit të konceptuar si pronë private dhe qytetarët i konsideron si të nënshtruar.
A duhet të marr fund tranzicioni?
A duhet të ndërrohen këta që kanë 30 vjet që dominojnë politikën?
A duhet të mundet korrupsioni si sistem endemik?
A duhet të forcojmë Shtetin e së Drejtës?
A duhet të bëjmë zgjedhje me lista të hapura?
A duhet të bëjmë te votojnë shqiptarët që jetojnë jashtë?
A duam zgjedhje të lira?
A nuk janë këto të mjaftueshme që të ngrihemi e të besojmë tek PD? A nuk janë këto motive të mjaftueshme për tu mos u dorëzuar?!
Partinë Demokratike nuk do të vijnë alienët nga Marsi për ta ngritur e për ta bërë forcë fituese! Janë pikërisht shqiptarët dhe demokratët që duhet të besojnë në vlerat e nevojat e më sipërme e mbi të gjitha duhet të besojnë se me angazhime e me kontributin e secili është e mundur në politikë edhe ajo që mund të konsiderohet si e pamundur!
Nuk është rasti që PD është sulmuar kaq ashpër! Gjithashtu sulmet që po i bëhen nga kasta e vjetër është sinjali i qartë se ajo është në anën e duhur të historisë përkrah qytetarëve dhe përballë sistemit! PD do të ngrihet dhe do të bëhet forca e madhe, sepse ajo përfaqëson aspiratat e shqiptarëve dhe të Shqipërisë europiane!
Komente
PD e Bashës që u përzgjodh nga Saliu me direktivë nga lart.
Përgjigjuhahaha o dac, ik o dac rrio ne itali se je rahat, leje bashen se ka mbaru pune me te
Përgjigju