KOSOVË- Në Kosovë gjatë 24 orët e fundit kanë rezultuar me COVID-19 49 persona dhe janë raportuar 3 viktima.
Ditën e djeshme janë regjistruar 47 persona pozitiv me COVID-19 dhe kanë humbur jetën si pasojë e COVID-19 2 qytetarë. Rastet ditore të infektimeve sa vjen edhe ulen, ky është një tregues që situata epidemiologjike në vend po përmirësohet.
Numri i pacinetëve të cilët kanë arritur të fitojnë betejën me koronavirusi është 346 gjatë 24 orët e fundit.
Sipas IKSHPK-së rastet pozitive janë nga komunat: Prizren 11 raste, Ferizaj 8 raste, Drenas 6 raste, Mitrovicë 4 raste, Podujevë 4 raste, Prishtinë 4 raste, Vushtrri 4 raste, Fushë-Kosovë 2 raste dhe me nga një rast komunat Gjakovë, Gjilan, Istog, Kamenicë, Pejë dhe Shtime.
Rastet e vdekjes janë nga komunat: Gjilan 2 raste (88, 68 vjeç), Prishtinë 1 rast (70 vjeç).
Numri total i infektimeve nga koronavirusi ka shkuar 106.538, ndërkohë që ai i viktimave është 2.213 në të gjithë vendin që nga fillimi i pandemisë, duke përfshirë edhe përditësimet e ditës së sotme.
Kosova ishte vendi i fundit i rajonit në të cilin procesi i vaksinimit ende nuk kishte filluar, por gjithçka ka ndryshuar më 28 mars kur mbërritën 24 mijë dozat e para të AstraZeneca.
Pa humbur kohë një ditë më vonë ka nisur procesi i vaksinimit në vend, ku prioritet ishin mjekët dhe infermierët të cilët prej kohësh janë në vijën e parë në “luftën” me COVID-19.
J.GJ./ReportTv.al