Një ngjarje e rëndë është regjistruar në Itali, ku nëna 58-vjeçare ka qëlluar me armë zjarri djalin e saj 15-vjeçar dhe më pas është vetëvrarë.
Ngjarja ndodhi ditën e djeshme (20 shtator) në Vago di Lavagno, në provincën e Veronas.
Alessandra Spiazzi ka qëlluar djalin e saj në kokë, i cili mbeti i plagosur, por në gjendje shumë të rëndë. Trupi i saj së bashku me djalin e mitur u gjetën pranë njëri tjetrit në kuzhinë. Në shtëpi ndodheshin vetëm ata të dy.
Kanë qenë fqinjët ata që pasi dëgjuan britma njoftuan menjëherë policinë, raporton TGcom24.
Pas ngjarjes tragjike autoritetet italiane kanë rrethuar zonën dhe po punojnë për zbardhjen e shkaqeve.
Komento
