LEZHË- Krimi në familje tronditi Lezhën mesditën e kësaj të hënë. Arsen Dani 62-vjeç person me probleme të shëndetit mendor goditi me thikë nënën e tij të moshuar. E moshuara, Gjylije Dani 88-vjeçe humbi jetën në mënyrë tragjike.
Ngjarja u shënua rreth orës 14 : 30 minuta ne apartamentin ku jetonte vetëm e moshuara me te birin e sëmure. Ish-arsimtarja u qëllua disa herë me thikë në pjesën e shpinës nga djali i saj Arsen Dani. Nga plagët e marra ajo gjeti vdekjen e menjëhershme, ndërsa kanë qenë fqinjët të cilët kanë dëgjuar zhurmën dhe kanë njoftuar policinë.
Blutë mbërritën menjëherë në banesë, në katin e katër të një pallati në lagjen Besëlidhja dhe gjeten pa shenja jete 88-vjeçaren. Autori, Arsen Dani u prangos nga blutë në banesë pa bërë rezistencë si dhe u sekuestrua thika me të cilin kreu vrasjen.
Pas kryerjes së veprimeve hetimore në vendin e ngjarjes, trupi i pajetë i viktimës i dërgua në morgun e spitalit rajonal të Lezhës, ku do ti nënshtrohet ekspertizës mjeko-ligjore, ndërsa nga të dhënat paraprake bëhet me dije se nëna dhe djali jetonin sëbashku.
Banorët thanë jashtë kameras thanë se Arsen Dani vuante nga problemet e shëndetit mendor, por nuk kishte krijuar problematika në komunitetin ku banon, Ende nuk dihen rrethanat as shkaqet e debatit me nënën e tij, që çuan në krimin tronditës. Ndërkohë grupi hetimor, nën drejtimin e Prokurorisë, po vijon veprimet në vendngjarje për të sqaruar dhe dokumentuar me prova ligjore rrethanat e krimit në familje.
Shqiptarja.com ka siguruar foton e Gjylije Danit e moshuara nga Lezha e cila u masakrua me thikë nga djali i saj me probleme të shëndetit mendor Arsen Dani. Krimi makabër ndodhi mesditën e sotme (13 maj) në lagjen ‘Besëlidhja’.
Komente
Me Arsenin kam qene qysh ne kopesht bashke, edhe ne tetevjecare, mbrapa un jam largu nga Lezha, po me kujtohet qysh kur Ka 20 vjec u dukte se nuk ishte " normale" sigurisht me kalimin e viteve gjerat Jane keqesuar. Me kujtohet edhe e ema e ndjera Ka Ken mesuese Fillmore. I ATI qe Ka vdekur me kohe Ka qene infermier koleg me babain Tim. Me vjen shume keq.
PërgjigjuUne e kam patur shok klase në shkolle te mesme në shkoder....Sinqerisht jam befasu e mbaj mend një djal inteligjent që për mesime nuk ishte keq por kishte mundesi për me shume...Më vinka shumë keq që paska përfunduar kështu...gjynah...