Pas eliminimit të kombëtares sonë nga kampionati europian, dy portale të mirëndjekura shqiptare, Shqiptarja.com dhe Balkanweb u pyetën audiencën e tyre për vlerësimin që kishin rreth performancës së ekipit tonë në këtë turne.
Deri në orën 16:30 të datës 25 qershor, pothuaj 4000 lexues i ishin përgjigjur kësaj pyetje dhe pothuaj 80% e tyre kishin dhënë një vlerësim pozitv për performancën e kombëtares tonë në Euro 24. Vetëm 17% kishin vlerësim negativ.
Analistë sportivë, ish-futbollistë, ish-trajnerë, supermodele, etj. etj. kanë dhënë opinione nga më të ndryshmet nëpër ekrane për ekipin tonë kombëtar qysh nga mbarimi i ndeshjes kundër Spanjës, por 4000 lexuesit e thjeshtë të portaleve të mësipërme kanë një zë shumë më të fuqishëm statistikor – ata përfaqsojnë miliona shqiptarë që kanë ndjekur me ethe kombëtaren tonë në Euro 24.
Në fakt, Federata Shqiptare e Futbollit bën mirë të zhvillojë një sondazh rigoroz shkencor, për të mbledhur opinionet e shqiptarëve kudo që janë për kombëtaren tonë, Sepse në fund të fundit, janë 10 milionë shiptarët ata që e mbështesin, presin dhe vlerësojnë se si na ka përfaqsuar kombëtarja jonë në futboll!
G.K//ReportTv.al
Komente
![](https://www.report-tv.al/template/img/antipiracynote.jpg)
Ekipi i kombetares bani nje loje te mire por vec i mungoj zemra LORIK CANA
Përgjigju