Një tjetër shqiptar i arrestuar në Britaninë e Madhe pasi ishte kapur në një shtëpi kanabisi. Mediat britanike raportojnë se në dëshminë e tij, shqiptari ka pohuar se në ‘fabrikën’ prodhonte drogën e klasit B.
Klajdi Vraja, 20 vjeç, u arrestuar më 7 tetor gjatë një kontrolli të policisë në një banesë në Lupton Road, Thame. Brenda banesës policia zbuloi rreth 800 bimë me vlerë rreth 1.6 milion £. Klajdi Vraja u deklarua fajtor nga Gjykata e Kurorës së Oksfordit për prodhimin e një droge të klasit B.
Me kokën ulur, Vraja, i veshur me tuta gri, foli vetëm për të konfirmuar emrin e tij, ndërsa nuk pranoi akuzat. Gjyqtarja Maria Lamb e la atë në paraburgim për t’u rikthyer në gjykatën e kurorës në dhjetor, kur parashikohet se ai mund të dënohet.
Komento
