Lazio tregohet e madhe në Europa League. Bardhekaltrit fituan 3-1 në “Velodrome” ndaj Olimpikut të Marsejës dhe shohin kalimin për në fazën e 1/16. Ndeshjen e zhbllokoi goli me kokë i Ëallace që në minutën e 10-të ndërsa Caicedo gjen edhe dyfishimin kur kishte kaluar një orë lojë.
Francezët e Marsejë ngushtojnë diferencën me golin e Dimitri Payet por në të 90-tën shënon edhe Marusic për Lazion që fiton 3-1 në Francë dhe ngjitet në kuotën e 6 pikëve në vendin e dytë në grupin H të Europa League.Grupin e kryeson Frankfurti me 9 pikë pasi mbrëmë mposhti 2-0 Apollon.
Vetëm fitore në Europa League njeh edhe Chelsea i drejtuar nga Maurizio Sarri. Londinezët me fytyra të reja në formacion mposhtën 3-1 Bate Borisov me tregolëshin e shënuar nga Ruben Loftus-Cheek. Chelsea kryeson grupin L me 9 pikë të plota ndërsa hungarezët e Vidi fituan në Selanik 2-0 ndaj PAOK-ut vendas.
Ndërsa Milani nuk ngre kokë. Pas humbjes në derbi kuqezinjtë e Gattuso-s pësuan edhe një humbje shokuese në Europa League. Real Betis fitoi 2-1 në “San Siro dhe morri kryesimin e grupit F me 7 pikë.
Sanabria në pjesën e parë dhe Lo Celso në të dytën shënuan golat për skuadrën spanjolle ndërsa golin e nderit për Milanin e shënoi Cutrone.Milani mban vendin e dytë në grup me 6 pikë por sheh ti afrohet Olympiacos që fitoi 2-0 në Luksemburg ndaj Dudelange.
Me golin e shënuar nga Danny Ëelbeck Arsenali fitoi ndeshjen e tretë radhazi në Europa League. Topçinjtë mposhtën 1-0 Sportingun e Lisbonës dhe kryesojnë grupin E me 9 pikë të plota.
