Egnatia fitoi 1-4 kundër Kukësit në transfertë dhe me 43 pikë vijon të jetë në krye të Superligës së futbollit. Pas ndeshjes, trajneri i rrogozhinasve, Edlir Tetova tha se nuk është i kënaqur nga loja e të tijve, pasi pas tre golave lëshuan terren.
"Jam i kënaqur, por kishte gjëra të mira, por dhe të këqija. Pas rezultatit 3-0 ne lëshuam paksa terren dhe nuk më pëlqeu. Tërheqja e ekipit nuk më pëlqeu dhe lufta lojtar me lojtar.
Çfarë u thashë lojtarëve në pushim? Fola për këtë, për 15 minutat e fundit dhe nuk u mora fare me 3 golat. Nëse një ekip do që të jetë në krye duhet të ketë më shumë uri për të mbajtur balancat.
Rikthimi i Malotës dhe Aleksit? Ato janë lojtarë të rëndësishëm të ekipit. U bë kohë që janë pjesë e formacionit tonë. Lojtarët që luajtën ndaj Skënderbeut nuk bënë keq, por lëvizja e topit nuk ishte e duhura", tha Tetova.
Lajmi kryesor:
VIDEO/ 'Poker' golash në Superligë, Egnatia mposht 1-4 Kukësin dhe thellon krizën e verilindorëve
S.DH/ReportTv.al