AUSTRI - FIA e ka shpallur të pranueshme një ankesë nga ekipi i Aston Martin dhe ka vënë në dukje shkeljet e ndryshme që kanë të bëjnë me tejkalimin e kufijve të pistës, me organizatorët që nuk i kishin vlerësuar saktë. 8 pilotë janë penalizuar, përfshirë edhe Sainz të Ferrarit.
Dje në Çmimin e Madh të Austrisë fitues doli Verstappen me Red Bull, teksa pas tij u rendit Leclerc me Ferrari. Sergio Perez po me Red Bull në vendin e tretë, teksa FIA ka penalizuar disa pilotë duke bërë që renditja pas garës së djeshme të ndrsyhojë.
Carlos Sainz i Ferrarit pësoi një penalizim prej 10 sekondash, duke shtuar kohën e tij të garës, çka do të thoshte se ai zbriti në vendin e gjashtë.
Pilotët e penalizuar:
Sainz - 10 sekonda
Hamilton - 10 sekonda
Gasly - 10 sekonda
Albon - 10 sekonda
Ocon - 30 sekonda
Sargeant - 10 sekonda
De Vries - 15 sekonda
Tsunoda - 5 sekonda
Renditja përfundimtare pas garës së djeshme:
1. Verstappen (=)
2. Leclerc (=)
3. Perez (=)
4. Norris (+1)
5. Alonso (+1)
6. Sainz (-2)
7. Russell (+1)
8. Hamilton (-2)
9. Stroll (+1)
10. Gasly (-1)
Pas nëntë garave të para të këtij sezoni, Verstappen me 229 pikë kryeson kampionatin, ndjekur nga shoku i Red Bull Sergio Perez me 148 pikë. Në vendin e tretë Alonso me 131 pikë dhe Hamilton me 106 pikë.
