Mes shumë aludimeve për të ardhmen dhe një largim të mundshëm nga Chelsea këtë verë, Armando Broja ka nisur stërvitjen në Tiranë. Fill pas fundit të Euro 2024 me Kombëtaren, djaloshi i artë i sulmit u rikthye në kryeqytet dhe pas disa ditësh pushimi në jugun e Shqipërisë, ka nisur të mbajë veten në formë.
Në foto ai shihet në një nga komplekset e kryeqytetit duke u stërvitur. E ardhmja e 22-vjeçarit lidhet me shumë klube në Evropë, ndërsa Chelsea nuk pranon më pak se 22 milionë euro për ta lënë të lirë, duke qenë se ka kontratë me sulmuesin deri në verën e 2028.
Vera parashikohet e nxehtë për Brojën, që duhet të gjejë një ekip i cili i përshtatet karakteristikave të tij të lojës. Nuk do ishte çudi që Armando të ndërronte kampionat, me klube nga Bundesliga dhe Serie A që janë pas tij.
S.DH/ReportTv.al