Autoblind VAB
Franca do t'i dorëzojë Ukrainës qindra automjete të blinduara dhe raketa të reja tokë-ajër në luftën e saj kundër Rusisë, tha të dielën ministri francez i Mbrojtjes, Sébastien Lecornu.
Njoftimi erdhi pas një sulmi të Rusisë me raketë në infrastrukturë në rajonin perëndimor të Lviv të Ukrainës, ku mbeti i vrarë një person, ndërsa një tjetër vdiq në një sulm në rajonin verilindor të Ukrainës.
Në një intervistë për “La Tribune Dimanche”, Lecornu tha se Presidenti Emmanuel Macron, pas bisedimeve me presidentin ukrainas Volodymyr Zelensky, i ishte kërkuar të përgatiste një paketë të re ndihme, e cila do të përfshijë pajisje të vjetra, por ende funksionale franceze.
Ai tha se Franca po kërkon të sigurojë qindra transportues të trupave të vijës së parë VAB (Véhicule de l'Avant Blindé) në 2024 dhe në fillim të 2025.
Ushtria franceze po zëvendëson gradualisht mijëra VAB-të e saj, të cilat fillimisht hynë në funksion në fund të viteve 1970, me një transportues të ri trupash me shumë funksione.
Lajmi kryesor:
Lufta/ Putin firmos dekretin: 147 mijë ushtarë të rinj brenda pranverës! Elon Musk: Ukraina rrezikon të humbasë Odesën nëse nuk negocion
K.M/ReportTv.al