Ministri i Jashtëm francez Jean-Yves Le Drian tha të mërkurën se Franca do të dërgojë ambasadorin e saj Jean Pierre Thebault, në Australi pas dëmtimit të marrëdhënieve dypalëshe.
"Unë i kam kërkuar ambasadorit tonë të kthehet në Canberra... për të ripërcaktuar kushtet e marrëdhënieve tona për të ardhmen," u tha Le Drian ligjvënësve francezë.
Parisi kishte tërhequr ambasadorin nga Canberra në shenjë proteste ndaj një pakti mbrojtjeje të negociuar midis Shteteve të Bashkuara, Australisë dhe Britanisë. I njohur si AUKUS, pakti ka për qëllim të kundërshtojë fuqinë ushtarake kineze.
Sipas paktit, Australia u angazhua për të blerë nëndetëse të dizajnuara nga SHBA dhe u tërhoq nga një marrëveshje ekzistuese e furnizimit me një prodhues francez. Parisi u zemërua, duke thënë se marrëveshja ishte bërë pas shpine.
