KEK ME MIELL MISRI ME SHERBET
Përbërësit
2 filxhan çaji miell misri i hollë
1 filxhan çaji miell misri i trashë
½ filxhan çaji sheqer
1 zarf fryrës ëmbëlsirash
½ lugë kafeje sodë
½ filxhan çaji lëng portokalli
1 filxhan çaji vaj misri
½ filxhan ujë
2 limona (lëkura)
Vanilje
Pak kripë
Për sherbetin:
2 ½ filxhanë ujë
3 filxhanë sheqer
Lëngu i 2 limonave
Lëkura e 1 limoni
Përgatitja:
Në një enë hedhim lëngun e portokallit, ujin, vajin, fryrësin, sodën e bukës, vaniljen, sheqerin dhe pak kripë. I trazojmë mirë të gjithë përbërësit me telin e kuzhinës dhe më pas shtojmë lëkurën e grirë të limonave dhe miellin e misrit të hollë të trazuar me miellin e misrit të trashë. E trazojmë mirë brumin e kekut dhe e vendosim në një tavë të lyer me pak vaj. E lemë të pushojë për rreth 1 orë në mënyrë që mielli i misrit të përthithë lëngjet. Më pas e vendosim në furrë të parangrohur në temperaturën 170 gradë Celsius për 50 minuta (në skarën e poshtme) derisa të krijojë sipërfaqe të kuqerremtë.
Pasi keku të jetë pjekur e lemë të ftohet dhe më pas e sherbetosim (sherbeti duhet të jetë i nxehtë dhe keku i ftohtë).
