KRELANË ME MIELL MISRI DHE DJATHË
Përbërësit:
500 gr miell misri
2 vezë
200 ml vaj
200 gr kos
1 zarf pluhur pjekës
1 lugë e mesme kripë
150 gr djathë
Fara susami
Përgatitja:
Rrahim fillimisht vezët me tel dhe më pas shtojmë kosin. Vazhdojmë trazimin duke shtuar vajin, pluhurin pjekës (fryrës), kripën dhe miellin e misrit. E punojmë mirë në mënyrë që masa të jetë e njëtrajtshme dhe në fund shtojmë djathin e thërrmuar.Lyejmë një tavë me pak vaj, e spërkasim me miell dhe hedhim masën e përgatitur. E nivelojmë mirë dhe e vendosim të piqet në furrë të parangrohur në temperaturën 200 gradë Celsius për 25 minuta.
QOFTE PLOT SHIJE
Përbërësit
3 patate
2 qepë të njoma
1 karrotë
150 gr proshutë
2 lugë miell
1 lugë soja
1 majë luge pluhur pjekës
1 tufë majdanoz
Kripë, piper
Vaj për skuqje
Përbërësit
Fillimisht presim patatet në feta, i vendosim të ziejnë dhe më pas i punojmë sa të krijojmë një masë si brumë. Shtojmë karrotën, proshutën, bishtat e qepëve të njoma, majdanozin, pluhurin pjekës, kripën, piperin e zi dhe salcën e sojës. E punojmë mirë brumin e qofteve dhe e vendosim në frigorifer të pushojë për 30 minuta dhe më pas i vendosim të skuqen në vaj të nxehtë.
MC/ReportTv.al