Receta

Gatime nga zonja Albana, Mish me mashurka

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

13 Tetor 2021, 10:44| Përditesimi: 13 Tetor 2021, 10:45

  • Share

MISH ME MASHURKA

Përbërësit:

500 gr mish qingji ose viçi i njomë

1 kg mashurka

1 filxhan kafeje vaj

2-3 kokrra qepë

3-4 domate

1 karrotë

1 gjethe dafine

½ tufëz koper ose majdanoz

Kripë, piper

Pergatitja:

Presim mishin në copëza të vogla dhe e vendosim të kaurdiset së bashku me qepët të grira imët. Pasi qepët bëhen transparente dhe mishi ndryshon ngjyrë shtojmë domatet të grira në rende ose salcë domate. Vazhdojmë kaurdisjen për 3-4 minuta dhe më pas shtojmë ujë të ngrohtë derisa të mbulohen përbërësit. Rregullojmë shijen me kripë, piper dhe gjethe dafine dhe e lemë mishin të gatuhet ngadalë në temperaturë të ulët.

Gjatë kësaj kohe pastrojmë mashurkat dhe i shtojmë tek mishi 20-30 minuta para përfundimit të zierjes. Në fund shtojmë përsëri pak kripë si dhe majdanoz ose koper të grirë imët. Sa më avash të gatuhet mishi me mashurka aq më e mirë do të dalë shija në fund.

MC/ReportTv.al
Komento
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?