Atletico Madrid eliminohet nga Kupa e Mbretit që në fazën e 1/8. Girona merr një barazim 3-3 në “Wanda Metropolitano” në ndeshjen e kthimit dhe kalon në çerekfinale. 1-1 kishte përfunduar ndeshja e parë dhe Girona kalon më tej falë rregullit të golit në fushën kundërshtare.
Nikola Kalinic kaloi Atleticon në avantazh por miqtë nga Katalunja e përmbysën me golat e Valery Fernandez dhe Christian Stuani duke marrë avantazhin kur kishte kaluar një orë lojë. Megjithatë djemtë e Diego Simeones nuk dorëzohen dhe radha për përmbysje rezultati u vjen atyre.
Në shifrat 3-2 për Atleticon rezultatin e dërgojnë Correa dhe Griezmann. Megjithatë Atleticos i prihen krahët dy minuta nga fundi kur Doumbia barazon për Gironan që kalon në çerekfinalet e Kupës së Mbretit.
Humbje pa dëme të mëdha pësoi Reali Madrid.
Los Blancos e kishin fituar 3-0 ndeshjen e parë të 1/8 ndaj Leganes. Mbrëmë Leganes mposhti Realin 1-0 me golin e Braithwaite por djemtë e Solarit kaluan më tej. Çerekfinalet e Kupës së Mbretit i arriti edhe Sevilla megjithëse u mund në “Ramon Sanchez Pizjuan” nga Bilbao 1-0. Andaluzianët e kishin fituar ndeshjen e parë 3-1.
