Gjatë natës mes 27 dhe 28 marsit, në orën 2 të mëngjesit akrepat e orës lëvizën 60 minuta përpara, duke na “vjedhur” një orë gjumë dhe duke na falur më shumë dritë. Ndryshimi orës ndodh në vende të ndryshme sipas orës lokale të secilit vend dhe do të vazhdojë deri në 31 tetor, kur do të kthehet ora diellore. Lëvizja e akrepave të orës 60 minuta përpara do të zgjasë ditën.
Ndryshimi i orës bëhet që prej vitit 1981, kohë kur u vendos ligji që përfshin të gjithë Europën që në të gjitha shtetet e saj, që në këtë ditë akrepat e orës të lëvizin 60 minuta përpara, çka do të thotë një orë gjumë më pak. Norma europiane përcakton në mënyrë të qëndrueshme datat e fillimit të periudhës së orës verore, ku akrepat lëvizin 60 minuta para dhe orës dimërore kur ajo shkon 1 orë pas.
