Policia britanike gjeti Ferrarin e vjedhur që i përkiste ish- kampionit të Formula 1, Gerhard Berger.
F512M Testarossa ngjyrë e kuqe, me vlerë më shumë se 350,000 £, u vodh në Imola të Italisë në vitin 1995 dhe ishte gjetur pak ditë më parë. Madje atëherë piloti austriak kishte tentuar të ndalonte hajdutët, duke i ndjekur pas.
Pasi kishin bërë denoncimin nuk kishin pasur më asnjë lajm deri në janar të këtij viti kur Policia Metropolitane e Londrës mori një lajmërim nga Ferrari, i cili kishte kryer kontrolle në një makinë të blerë nga një blerës amerikan përmes një ndërmjetësi në Britaninë e Madhe në vitin 2023. Hetimet zbuluan se ishte një automjet i vjedhur.
Hetimet zbuluan se makina ishte dërguar në Japoni menjëherë pas vjedhjes dhe ishte kthye në Mbretërinë e Bashkuar vetëm në vitin 2023. Megjithatë ende nuk ka një arrestim për këtë ngjarje.
Janë prodhuar vetëm 500 makina Ferrari të këtij lloji.
